طماطم سوداء

[عفوك يا رب]

السلام عليكم

بدايةً أعذرني لأني ماعرفت اصيغ الرؤيا بالفصحى

.
رأيت ان إمرأة من قرايبي جاتني ببيتي ومعاها بناتها
وانا مستغربه من جيتهم لانهم شبه قاطعيني
بالاول كنت احسب بس البنات اللي جو لكن شفت امهم اخر وحده دخلت
البنات كان معاهم اغراض ودخلوها مطبخي
وامهم توجهت لغرفه نومي وكأن جيتها هذي بس عشان تستكشف بيتي
لحقتها داخل الغرفه وكان لي ملابس على الكراسي وصرت اسولف لها وابغاها تطلع ماابغاها تشوف ملابسي
وقلت لها سالفه صارت لي صدق انه دخل صرصار بغرفتي وشكله من المكيف واسولف معها واوجها لبرا الغرفه
وهي تمشي معاي وعيونها بكل شي بغرفتي
طلعنا من الغرفه

وصارت تقولي انها جايبه لي طماطم وان وحده تعرفها اكلت طماطم ومرضت ببطنها وانا اسمع لها
توجهت للمطبخ واخذت من الطماطم اللي جابتها لي
واكلت منها لقمه وحده بس واحرقتني بلساني وفمي
ورحت اغسل فمي واناظر لساني كله حبوب بيضاء وكأن الطماطم مسمومه ، هذا اللي جاء ببالي

مااذكر ان اللي اكلته طماطم ، اذكر شي اسود اكلته و اكلته لاني واثقه فيها لأبعد حد

رحت لها واقولها انها جايبه لي طماطم مسمومه
قالت انا مو اقولك اكلتها وحده ومرضت وماتت !!
قلت ماقلتي لي لا تاكليها
قالت انتي مافهمتي كلامي
سكت لاني اعرف اسلوبها
و تركتها لاني شفت بنتي الكبيره معاها طماطم حمراء مقطعتها وبتاكلها
قلت هذي من ثلاجتنا او اللي جابتها فلانه قالت حقتنا واخذتها منها لاني خفت عليها ورميتها بالزباله الله يكرمك

ورحت اشوف الطماطم اللي جابتها الحرمه وحصلت سله قهوتي فيها فاكهه وكأنها لي وانا شاريتها وألوانها واضحه
وفوقها كيس اسود مامسكته ولا فتحته لكن فيه الطماطم لونها اسود وفيه اوراق كبيرة مثل اوراق الاناناس طايحه بالكيس شكلها غامق ومخيف
خفت وشلتها بكيسها ورميتها بالزباله .

انتهى

[عفوك يا رب]

وقت الرؤيا : قبل ثلاث شهور

الحاله الدينيه : معتدله

المداومه على الصلاة : محافظه والحمدلله

الجنس : انثى

البلد : السعودية

العمر : ٣٠

الحاله الاجتماعية : متزوجة و بوقت الرؤيا كنت ادرس

الحاله النفسيه قبل النوم : لا اذكر لكن غالباً عادية

[الظليم-2]

اكتبي معلومات قريبتك وسبب تقاطعكم؟

[عفوك يا رب]

معلومات قريبتي

متزوجة
لديها اولاد وبنات
عمرها ٤٠
متدينه ومحافظه


لما قلت انهم شبه قاطعيني السبب انها ماتجيني ببيتي وتتجنب زيارتي بالبيت دايماً
اذا قابلتها بأي مكان عادي نسلم ونسولف وكل شي طبيعي
نختلف كثير بالاراء واحيان اذا ماعجبها كلامي الاحظ انها تقاطعني
ماترد على رسايلي ولا ترد على اتصالاتي وانقهر ان نيتي كانت طيبه وهيه فهمتني غلط

[الظليم-2]

كم عمر بنتك الي اخذتي منها حبة الطاطم .؟

[عفوك يا رب]

عمرها ١٢ سنه

وماكان معاها حبه طماطم
كان معاها صحن فيه طماطم مقطعتها بنتي

[الظليم-2]

هل عندك بنت في سن الزواج؟

[عفوك يا رب]

لا

[الظليم-2]

احذري من خطبة او موضوع ظاهره حسن وباطنه غش او محاولة سرقة او ارتكاب زنا.او نصيحة مزيفة .
وليس شرطا منها هي بذاتها .

[عفوك يا رب]

يعني التفسير ماله دخل بالغيبة ؟
انا جاتني فترة كنت اغتابها فيها

يعني اتنرفز من حركاتها وادخل بنيتها كثييير واشكك دايماً في مصداقيتها