المداومة على الصلاة -: محافظه عليها الحمد لله
• الجنس.:- انثى
• البلاد:- السعودية
44 سنة
الحالة الاجتماعية: - متزوجه
ويشمل ذلك العمل أو الدراسة. ربة منزل
حالته النفسية قبل النوم:- عاديه
حلمت يوم الأربعاء الماضي الصباح ان فيه اجتماع عائلي
انا دخلت بوسط غرفة وجلست فيها بس شفت اخوي من فتحة الباب
دخل اخوي المتزوج وهو لابس احرام وبيده شنطة
طرد اخواتي الثنتين اللي اصغر مني قال لهم الاجتماع لنا حنا بس
يقصد خواتي الكبار واخواني اللي اكبر منا
وبنفس الحلم شفت اخوي المتوفي الله يرحمه جالس بعيد ويضحك
واخوي الثاني لابس طاقية وعليها العقال وبيده ثوبين وغترتين
واخوي اللي بعده اعطاني 4 طواقي قال لي اعطيهم اخوي فلان وقلت له طيب
في الاجتماع كانوا متواجدين خواتي الكبار واخوي اللي معه ثوبين
واخوي المتوفي الله يرحمه
اما اخوي اللي اعطاني الطواقي ما كان موجود معاهم
معلومات خواتي الكبار
وحده متزوجه ووحده ارمله بدون اطفال
واللي اصغر مني مو متزوجات
محافظين على صلاتهم
اخوي المتزوج عنده 3 أولاد وبنت ومتقاعد ومحافظ على صلاته
اخواني الاثنين مو متزوجين متقاعدين مبكر
محافظين على صلاتهم
ها بين اخوك المحرم وزوجته مشاكل؟
والله ما أعرف بس نسمع من الناس ان بينهم مشاكل مستمره
وزوجته مسيطره عليه ودايم يهرب من البيت بسببها هل الثوبين والطواقي جديدة ؟ وماهي الوانها؟
جديده لونهم أبيض
كيف ضحك اخوك المتوفي ؟
كان يضحك بقوه حتى تعابير وجهه باين فيها السعادة
الله يرحمه ويغفر له ويسكنه فسيح جناته
اقصد هل ضحكه بقهقهة شديدة؟
ايوه يضحك بقهقهة شديدة
هل حدث معك تيسير في امر يخصك بعد الرؤيا؟ او ترقى اخ لك؟
لا ما حصل شيء في أمر يخصني واخواني كلهم متقاعدين
تنال الرائية خير في الفترة مابعد الرؤيا سواء بوقت قصير او طويل لضحك اخوها الميت ؛ ولما أعطاها اياه اخوها الاخر من طواقي ؛ ولعله يلتئم امر لكم كاسرة وتجدد او يتيسر امر تأخر عليكم .
وما توفيقي الا بالله العلي العظيم.
فإن اصبت فمن الله وحده.
وإن اخطأت فمن نفسي والشيطان.
