رؤيا اثابكم الله

[الظل الطويل]

شفت الامير مقرن وانا مستغرب( لاني في  الواقع لم يسبق لي مقابلته)  حيث اني في المنام شفته موجود في بيت وكان وقت وضع الاكل وهو جالس على الارض ومعاه عيال صغار جالسين معه وكان جنبه فلوس من فئه خمسات كثيره مره وقال وزعوها   وكان معاه حرس يمشون معه وهو مو لابس ثوب وانا وصاحب العمل نمشي بجانبه ونبعد من طريقه عشان ياخذ راحته في المشي  ووقف وكان يسولف مع ناس وانا جيت لصاحب العمل وهو واقف على الزاويه قبل الغرفه وكان في جبهته لاصقه شفافه وكان بيسقط على الارض وانا اسنده وسألته سلامات ليش في جبهتك لاصقه قال لاني تعبان وانتهى الحلم وصحيت.
في الواقع انا موظف عند صاحب العمل ولست موظف عند الامير مقرن بس صاحب العمل هو مشرف عند الامير مقرن ودايم يمشي مع الامير مقرن وياكل معه ويطلب مني دايم اوفر اغراض تخص مزرعة الامير مقرن . متزوج اصلي عندي ولد وبنت موظف 

[الظليم-2]

كيف ليس لابس ثوب؟
هل هناك مشكلة حول صاحب العمل ؟

[الظل الطويل]

كيف ليس لابس ثوب؟

اقصد ماكان لابس شماغ ولا مشلح لكن بالضبط وش لابس لاأتذكر هذه التفاصيل

هل هناك مشكلة حول صاحب العمل ؟
الان لاتوجد مشكلة

[الظليم-2]

ماهي طبيعة عمل الامير مقرن حاليا ؟
وممنوع الخدمات التي تقدمونها للامير ؟

[الظل الطويل]

ماهي طبيعة عمل الامير مقرن حاليا ؟
اللي اعرفه انا عنده مزرعته وعدة مزارع وعنده موظفين ومهندسين وعمال واكيد عنده اشغال ثانيه بس ماعرفها
وممنوع الخدمات التي تقدمونها للامير ؟
نوفر له مشتريات وطلبات لمزرعته وكذلك احياناً طلباته الخاصة

[الظليم-2]

مشكلة كبيرة تحدث لعله للامير فيتضرر هو او من الامير له يسبب له حزن شديد وضرر .

[الظل الطويل]

مين اللي بيتضرر انا او الامير او صاحب العمل ؟

[الظليم-2]

قد يتضرر الامير ثم صاحب العمل .
او من الامير لصاحب العمل .

[الظل الطويل]

ولما كان بيسقط على الارض وانا اسنده على ماذا يدل ؟

[الظليم-2]

لعلك تقف معاه وتسنده ويعتمد عليك في شيء .