الظليم 2 | لتأويل الرؤى

شفت إني احث ناس مجهولين على الاستغفار وأقولهم على خاتم التسبيح استخدموه واستغفروا في هذي اللحظات أشوف مطر خفيف ينزل يتساقط مطر خفيف بعيد شوي وكاني بقرارة نفسي اشوف شخص جنبي كأنه يدعي هذا المجهول قمت أنا تذكرت الدعاء وبدعي ودعيت في المنام لكن ما أذكر لمن قمت من النوم ما أذكر وش قلت بالمنام هل ممكن قلت اللهم ارزقني الفردوس الأعلى وهي بالواقع هذي دعوتي وانتقل المشهد في جانب آخراشوف فيه رجل اسمه زياد راكب في سيارة وأخته بركة معه كان يقولون خلي ولدك يدخل معنا بالسيارة لأنه في فرصه الآن بيعطيه زياد ثراء ، بيروحون بياخذون ثراء وانا ادخل ولدي وولدي ماأعرف كم عمره بس بالمنام اسمه أحمد وهو بالمواقع ولدي اسمه مختلف ، كان يقولون ركبيه معنا فرصه فرصه يبونه يركب عشان يروحون عند هذا الثراء انه بيكون فيه فرصه للثراء ، فدخل ولدي بالسيارة لكن جزمتهالنعال فيها زي العفطه يعني كأنه في شوي عائق بسيط هم يقولون ترى فرصه بيروحون عليه فأنا اقوله معليش معليش حتى لو تخلع النعله المهم انك تركب فما اعرف هل هو عدل النعله او خلعها ماذكر المهم انه ركب معهم ولحق الفرصه وراح معهم وانا كنت انتظر. 



متزوجة وغير موظفه وعندي أطفال اصلي 
زياد وبركه أقارب لي 

العمر ؟
معلومات ولد وزوجك ؟

العمر ؟
معلومات ولد وزوجك ؟
 

عمري الان 30
عندي ولد عمره الان 11
عمر زوجي 41 عمله موظف وظروفه الماديه قليلا صعبه
 

اما الولد الذي في المنام كان اسمه بالحلم أحمد
الغريب ان بالواقع اسم ولدي ليس أحمد

الاستغفار يدل على الخير والرزق فكيف بمن يدعو إليه والغيث الخفيف رحمة من الله ورزق ؛ وبركة تناليها بسبب دعائك ؛ ولعله خير ورزق من جهة زوجك بعد بعض المشقة تنالوه فيه بركة .

أنا دعيت الله قبل ما اشوف الرؤية هذه ودعيت أن الله يريني إذا كنت أنا على حق ويبشرني ونمت ورأيتها حتى لما استيقظت تذكرت الرؤيا مباشرة وفرحت فياشيخنا الفاضل ماذا ترى من بعد كلامي هذا 

الله اعلم .
هوخير وليس لي ان ارجم بالغيب لاعرف أفي هذا الموضوع او ذاك .

أخبرتني انه رزق من جهة زوجي هل الرزق توضح لك من نفس المنام ؟؟ ولماذا اسم احمد ؟

انا قلت لعله من جهة زوجك فالابن يدل على أبيه في المنام احيانا ؛ وكون اسمه احمد فهذا دليل على الحمد وأمر محمود .
ولكن ممكن يكون ايضا رزق بطريقة أخرى.