رأيت أني بمجلس والدي وكان فيه شخص من الاقارب جالس بعيد عن والدي قليلا وأنا واقفه بينهم وكنت مره مستغربه بوجودي بينهم وأبغى اطلع وأشوف الوالد يبغى يمد للرجال فنجال قهوه والرجال معطي والدي جنبه ( يعني مو مقابله بالوجه) وحسيت أنه يبغاني أنا أمدله الفنجال وأنا كنت مره ناقده ثم دخل اخوي وجلس جنب الوالد ويسولفون عادي وكأنهم جالسين الوالد واخوي ع بطانيه كحليه ، وانا واقفه بالمجلس وكانه عادي عندهم اني امد القهوه أنا فجيت عند الوالد وشفت فنجال القهوه اللي صبه للرجال منكب ع البطانيه وكانت منثنيه يعني مو واضحه القهوه المنكبه والتفت ع الرجال كأنه هو اللي كبه ،، وأمسك الدله وأصب فنجال لكن قليله ولونها غامق وأنا مستغربه اقول ليه كذا شكلها مو هذي قهوة امي تكون مهيله وهذي ماكان عليها هيل ورحت ومديته للرجال واخذه وصار يتحرك وهو جالس بمكانه ورحت بطلع مع الباب لكن ماقدرت اطلع حاولت لكن فيه شي مانعني وحسيت أحد ماسك يدي لدرجة اصابعي كانت تالمني وألتفت وأشوف الرجال بمكانه وفيه حركه وكأن يده طويله وهو اللي ماسك يدي ،، ولم أخرج مع الباب وانتهت الرؤيا.
وقت الرؤيا ومتى رآها:- قبل تسعة أشهر بالليل
• حالته الدينية:- متوسطه
• المداومة على الصلاة -:محافظه
• الجنس.:- أنثى
• البلاد:- السعوديه
• العمر: 24
• الحالة الاجتماعية: - متزوجه
• حالته النفسية قبل النوم:- عاديه
علما اني وقتها كنت ارقي نفسي وفسرلي شيخ ثاني :ان الرجل بالرؤيا اعطاني عين وكنت أتمنى انه يزورنا واخذ أثره ،، هل ممكن تكون حديث نفس؟وأيش تعني قهوة أمي بدون هيل ؟ ومسكة يدي والالم ؟ والفنجال المنكب ؟
وجزاك الله كل خير ياشيخ وفرج الله همك ويسر امرك ووالديك ورزقكم الفردوس الاعلى من الجنه بلا حساب ولا سابق عذاب
