الظليم 2 | لتأويل الرؤى

رأيت اني في النفود ومعي بناتي واشوف ناس مرينا عندهم بس مادخلنا عليهم بس بحوش او مستشفى يقولون فيهم وباء ابعدنا عنهم ويلحقنا شاب ويقرب لنا اخذت عصي من الارطأ وضربت بهن واشوفه ماهمه شئ ولاهو متخوف واشوف وحدة من بناتي تضربة ولا همه وقلت ترى فيه رياجيل اناديهم لك وناديت ولد زوجي وواحد من اخوانه وجو ولحقوه وهج للشمال ويحذف علينا حصى وهو يركض وولد زوجي واخوه يحذفون حصى وحدوه للجنوب وقال ولد زوجي خلاص اتركوه وجن بناتي ع سيارة لنا من جهته وشفته ع سياره وانادي بناتي ابيهن يبعدن عنه يوم قربن منه اسرعن يوم ابعدن عنه ووصلن لنا نزل من السيارة وراح قدام سيارته وضربها باالقزازه الاماميه بحديده مادري بسكين ودفها ورجعت شوي ووقفت وهو معصب ويشتم ويتكلم بصوت عالي بغضب
الحالة قبل النوم: عادية
رايتها قبل أسبوع الظهر
سعودية متزوجه لدي أبناء وبنات
ربة منزل
العمر41
متدينه ملتزمه بالصلاة والسنن الرواتب

تقع مشكلة وخصام ويقذف شخص بناتك بشيء في العرض وينجوا ولكنه لايظفر برغبته في النهاية .
والنصيحة الاتخضع احداكن بالقول مع احد فتطمعوه والخضع بالقول هو الكلام اللين والشعور بالود واعطاء الامل سواء بغرض الشهوة او لطمع تقريبه للتزويج .

هل الشخص قريب ام لا
و ينجو من ماذا؟

الله اعلم اهو قريب ام لا؟

جزاك الله خيرا واقدر جهدك لمساعدة غيرك
عذراً مظطره وعندي سوال هل منادتي لأسماء ابناء زوجي تدل على شئ
اسمه عبدالله واخوه فيصل

النداء هنا يدل على مخالطة ومعرفة اراذل القوم وسفهائهم من اهل الهوى .
ولعل في الاسم فصل في الموضوع.

لم أفهم كيف فصل بالموضوع؟؟
ممكن توضح اكثر فرج الله همك

استعيني باحد يساعدك لمعرفة معلني فصل في شيء .
تم التأويل