الظليم 2 | لتأويل الرؤى

رأيت اني مريت الصاله وشفت الماء يصب من فوق الجدار ويروح جهة الحمام وكان فيه كيس رز يمره الماء وناديت زوجي وكان جالس بغرفة الجلوس وجاء ورفع ثوبه وطالع سرواله جاءه شوي من الماء قال هذي بيارة خ وسخني ماني متاكده قال الله لايوفقه او لا وشفت كأن جزء من السراميك نزلت شوي وتجمع فيها الماء وكأن الماء دخله لون بياض بسيط وكان الماء بدون ريحه ماء صافي واشوف كان جهة السراميك مالت جهه الصاله وغرفتي وبتسقط وهجينا للقسم للثاني أخذت معي طفل ويوم ذهبنا وقف لم يسقط وافتح باب الدرج واسمع اصوات عيالي الصغار جايين من تحت ومسكت يد ولدي اشوف كانه جاي ع سلم ورقيته ودخلته عندي واشوف الدرج كانه متمايل ومتخوفه من ميلانه وشفت ضرتي رقت هي وبناتها وكانهن دخلن مع باب *ماهو موجود بالحقيقة* واناديهن لا احد يدخل يوم راحن وانا اشوف مع هالباب وشفتها غرفه جديدة جهة غرفتي ماهي عندي قبل واقول لو نستخدمها للمذاكرة والجلوس فيها ونضغ فيها اغراضنا
وبنات زوجي يقولن ان ابوهن ضايق وراح يدور عمال وبعد شوي جاء زوجي ومعه خ اشوفه يقول اكتب تعهد انا ببالي ان عمال خ هم اللي بانينه وكتب تعهد
رايتها قبل 3 ايام
متدينه ملتزمه بالصلاة والسنن سعوديه متزوجة لدي ابناء وبنات
عمري42
الحالة قبل النوم:عاديه كنت متسننه للضحى

هل كان الماء يخترق كيس الارز؟
هل ناديتي بالاسم؟
هل الباب الذي دخلوا منه وسيع ام ضيق ؟

لاادري لكنه مر من تحته
لا ليس بالاسم
باب متوسط عادي عرضه حول متر

اكتبي معلومات زوجك وهل ينوي الزواج.؟

متدين وملتزم بالصلاة لديه ابناء وبنات مني ومن زوجه غيري ولديه احفاد يعمل بالتجاره عمره بالسبعين
لااعلم عن نيته

وهل لكم ابناء كبار ستزوجوهم؟

لا اكبر ولد لي عمره 14
وفيه اولاد لزوجي من غيري كبار لكن لاينوون الزواج

يقع امر غير جيد لديكم وتحصلي على مال بمشاكل وتجد ضرتك وبناتها مدخلاً عليك ولعل احد يتزوج لديكم .