الظليم 2 | لتأويل الرؤى

السلام عليكم ورحمة الله ، الله يسعدك يارب إذا ممكن تفسر لي الرؤيا .
رأيت اني حامل فالشهور الأخيرة ، وكنت في بيت خوالي وطلعت لشقة خالي فوق حصلت نص الباب مفتوح دخلت الشقه وما كان فيه أحد وحصلت حلويات طايحه بالارض وكنت أدور حلا عشان اكله وجدتي كانت تقول كولي حلا عشان تولدين فجأة حصلتني والده بدون احداث الولادة بعدين مسكوا اهلي يدي لكن ما اذكر مين وودوني لبنتي اللي ولدتها كانت بالحوش وكانوا خوالي جالسين جنبها وكانت بنت اعرفها اسمها ساره عمرها ١١ سنه تقريبًا هي مو قبيحة ولا جميلة لكن يوم شفتها استغربت توقعت تطلع اجمل وقلت يعني ليش ماهي شبهي وكلمت شخص اعرفه وكنت متضايقه اني ماحملت منه وقلت له اني ولدت ..

انا طالبة عزباء .
عمري ١٧
وقت الرؤيا: ما أفتكر والله بالضبط بس قبل كم شهر
الحالة الدينية : الحمدلله محافظه نوعاً ما ولكن فيه تقصير بعض الاحيان
المداومه على الصلاة : يجيني بين فتره طويله كسل لكن أضغط على نفسي ولا أتركها
وأنا من مدينة سكاكا
حالتي النفسيه : متوتره كثيرًا ومهموومه بسبب امر أنتظره وهو مهم جداً لي والشخص اللي كلمته في الحلم يبغاني زوجة له لكن قبيلته واهله يرفضون هالشيء

ماعليش كمان نسيت نقطه إني قبل أولد كنت خايفة

أخوي الظليم بعد الرؤيا حصل لي تعب نفسي وضيقه بقوووه بنفس البيت في بيت خوالي وخوالي كانوا عندي وجابوا لي الطبيب وحسيت انه الحمل اللي بالرؤيا ! التعب بسبب موضوعي هذا ولسى عندي أمل انه يتحقق وأدعي ربي كثير ، هل له علاقة بالمنام ؟ بالحلم كنت حامل بالشهور الأخيره وكمان أنا حاليًا بضيقه ومقفل الموضوع علي من كل مكان

يمنع وضع رؤيا جديده قبل تفسير الرؤيا السابقه
الرؤيا للحذف

تؤل باستثناء من الظليم.

يأتيك فرج في موضوع يهمك وهو فرج دائم وتسري ببشارة في ذلك.

ربي يسعدك أستاذ عادل .. أنا آسفه إني ماكتبت الرؤيا بالتفصيل لأني أول ماسجلت كتبت الرؤيا وماكنت عارفه انه كلمه وحده تغير بالرؤيا ، هو بس إني يوم شفت البنت مشاعري لها غريبه كأني مو حابتها او مو عاجبتني أو حاجه زي كذا ، واللي كلمته كنت أقول له اني مشتاقه له واني فاقدته عشاني تزوجت غيره ، والحلويات اللي كانت فالأرض كانت أوراق فاضيه لكن أكلتني جدتي وانا جالسه عند المغسله بعدها وولدت .. كنت أبغى أكتبها لك من زمان بس قريت إنه ممنوع الرفع آسفه بالمره

اعيدي صياغتها.

ترفع المساء وتؤل الفجر.