الظليم 2 | لتأويل الرؤى

رأيت إنك يا أستاذ عادل كنت تراسلني على الجوال ، وكنت تبغى تجينا للبيت عشان تفسر لي أحلام" وأعتقد كنت جاي من سفر جلست أجهز الضيافه ف صينية وحطيت قهوة ظروف ف صحن ووديتها للصالة وكانت أمي موجوده " هذي النوع من القهوة نفس اللي نشربها أنا وأهلي "وما أعرف هل جاء في نفسي إنها شوية وازودها أو أمي قالت لي زوديها قليلة ، وكلمتها عنك .. وبعدها رحت المطبخ أسوي بخور وكان الفحم اللي على النار طاح وانقسم نصفين وتكسر .. وكانت اختي عمرها ٣ سنوات موجوده وحسيت إنه منها وعصبت عليها وصرخت وحطيت وحده ثانيه على النار .. بعدها رحت المرايه وجلست أطالع نفسي وإذا مو غلطانه كانت معاي الصينية وكان شعري أطول من الواقع بشوي كان آخر ظهري وكان أكثف من الواقع ، وكان مجعد لكن مو تجعد الخشونه لا فيه نعومة وكان لونه نفس شعري إذا جته الشمس بس أفتح عسلي تقريبًا أو أشهب وكان اللون متركز اكثر من تحت مو من فروة الرأس كانت بالضبط نفس التسريحة اللي اعملها بشعري دايمًا ، وعاجبني وألف يمين يسار وأطالع فيه وكنت أقول الحين يعجبه شعري .وقت الرؤيا / شهر شوال هذا العام حالتي الدينية / جيدة الحمدلله المداومة على الصلاة / محافظة عليها الجنس / أنثى البلاد / السعودية العمر / ١٧ الحالة الإجتماعية / عزباء - طالبة ثانوي حالتي النفسية قبل النوم / أعاني من هم وتوتر بسبب موضوع أتمناه جدًا أمي متزوجة لا تعمل عمرها تقريبًا ٤٣

هل الفحم الذي سقط طفيء ناره؟
وهل الاخرى التي وضعتيها اشتعلت ؟

اللي سقطت أتذكر كانت أطرافها حمراء .. الجديدة ما أتذكر إشتعلت أو لا

بعون الله تسمعي بشارة بتحقق امر لك بعد كدر وفشل ... ويحسن حال رئيسك ويزداد مالك ويستمر في النمو .. ورئيسك هو اما والدك او زوج لك ، وتنالي عدل في المعاملة .
ولا استبعد نيلك امر تتمنيه ولعلك تكثري التمني والدعاء به .. وتتحقق بعض رؤاك .ونظرك في اىمرآة هو انتقالك من المنزل الذي رأيتي نفسك فيه الى غيره ولعل ذلك بالتزويج .

السلام عليكم ورحمة الله
قد تحققت الرؤيا يا أستاذ عادل بقولك يزداد مالك ويستمر فالنمو .. وأيضًا تنالي عدل ف المعامله .
وقولك ولا أستبعد نيلك أمر تتمنيه وتكثري الدعاء به .. فهذا الأمر الذي يهمني وأتمناه هو في فشل الآن ، جزاك الله خير يا شيخ المفسرين .. وبإنتظار تحقق باقي الرؤيا بإذن الله .