الظليم 2 | لتأويل الرؤى

رأيت ابوي جاي عندنا انا واخواتي ويبلغنا عن عريس لاختي الكبيره وقال لنا كلنا الا هي وبعدها اخذنا كلنا انا واخواتي واختي الكبيره في سياره وحده وودانا لمكان كانه سيب كبير وطويل ومضيء السيب وفي نهايته سياره كشف سبورت مفتوحه وكان راكب فيها ٢ رجال شباب وكاشخين وكان واحد منهم هو اللي خاطب اختي وقال ابوي لاختي تنزل تمشي في السيب عشان يشوفها الرجال كانها نظره شرعيه بس اختي نزلت تمشي وهي ما تدري عن الخاطب انه يشوفها وكانت اختي حاطه مكياج ومضبطه شعرها ومفتوح ولابسه فستان فضي نافش من تحت بلمعه ولابسه كعب وبدأت تمشي مع بنت في السيب الى نهايته ورجعت لنا وكانو الرجال مبتسمين وهم يشوفونها وكانه انا واخواتي نقول واضح اختي عاجبته وانتهى الحلم ؟؟ من بداية الحلم حتى نهايته اختي ماتعرف عن الخطبه السيب يعني الممر اختي عزباء غير موظفه ابوي متقاعد انا متزوجه غير موظفه صحتنا الحمدللله تمام ماشاء الله الحلم تقريبا من شهر البنت اللي تمشي معها والشباب مجهولين

هل اختك تبحث عن عمل؟
او مقدمة لطلب كعمل من الحكومة؟

لا تبحث عن عمل ولا في بالها توظف اختي عمرها ٣٨

هل الملابس التي ترتديها عندها في الحقيقة ام جديدة ؟

لا يوجد عندها في الحقيقه مثل هذا الفستان

موضوع معلن بخصوصها ولعله التزويج ، وتقبل عليها الدنيا .

كيف معلن بخصوصها ووش معنى في الحلم كله ماعندها خبر عن الخطبه

اخت شوميه كتب:كيف معلن بخصوصها ووش معنى في الحلم كله ماعندها خبر عن الخطبه

يعني مكشوف من بدايته

عدم علمها يعني من عناية الله وبغير سبب.

طيب وش تفسير احلام مختلفه كلها نفس التعبير لاختي الكبيره ارسلت وحده من اخواتي حلم الاقمار فسرته ذريه لاختي الكبيره وارسلت هي حلم الزبده وفسرته انت لها خطبه والحين فسرت حلمي لها وفسرت حلم امي الجلابيه خطبه كلها تدور حول موضوع الزواج هل يعني صدق الرؤى ماشاء الله

اخت شوميه كتب:طيب وش تفسير احلام مختلفه كلها نفس التعبير لاختي الكبيره ارسلت وحده من اخواتي حلم الاقمار فسرته ذريه لاختي الكبيره وارسلت هي حلم الزبده وفسرته انت لها خطبه والحين فسرت حلمي لها وفسرت حلم امي الجلابيه خطبه كلها تدور حول موضوع الزواج هل يعني صدق الرؤى ماشاء الله

اولا لم اكن اعلم انكم لنفس الشخص، لاني لا انظر للاسماء واؤل كل مرة للشخص كانه اول مرة يفسر لدي حتى لا اتأثر فاكرر له المعنى.
وهذا التوافق يدل على خير سيأتي لاختك وصدق الرؤيا.