الظليم 2 | لتأويل الرؤى

رأيت كاني بمكان ترفيهي وكان معي اخوي وامي واختي
اخوي طلع من مكان كانه مسابقه وفاز ب علبتين زيت اول ماشفتهم جا بالي انهم غاليات ونفس اللي بموقع انا اطلب منه وقلت له ابي وحده منهم لانه جا بالي مستحيل بيعطيني العلبتين اكيد وحده بيعطيها زوجته اقل شي
( انا بالحقيقه ماحب اطلب من احد خصوصا اخوتي لكن بالحلم اشوفه عادي لانه قبل فتره اخذ مني بالحقيقه زيت غالي دون ان اعطيه )
بالحلم كان ساكت ماقال طيب او اي شي بس حسيت مايبي ولا يعرف وش يسوي
وكملنا مشي دققت بالعلب الا طويله يعني تقريبا لتر او نصف لتر واتا اللي اطلبها من الموقع صغيره وادقق اكثر الا انها مقلدة مو اصليه .
واحد من الزيوت اعرف استخدامه للحوامل يمنع تشققات واقول اذا حملت بستخدمه .
قلت خلاص اصلا مابيهم مو اصليه وبعقلي اقول مستحيل استخدمها اخاف تضرني انتهى .
______________
الحلم قبل اسبوع تقريبا
بعد الحلم ب٣ ايام صارت مشكله كبيره بيني وبينه وهذي ثاني مره بس المشكله الاولى عدت بس ماعرف وش بقلبه ناحيتي .
المره الثانيه كانت اكبر وغلط علي وكان جدا فاسي طول حياتي لم يحدث معه هذي الخلافات

واليوم حللت وطلعت حامل
معذره منك على كثره سرد ولكن جدا يهمني اعرف المعنى
عمري ٣٢ متزوجه عندي بنتين حالتي الدينيه عادية
اخوي عمره ٣٦ متزوج عنده ولد زوجته على وشك ولاده ببنت
حالته الدينيه عاديه

هو حملك وولادتك انت وزوجته ، فالزيت هنا الابناء مولود لك ومولود له .
مبروك

الله يجزاك خير
وش معنى ان الزيت مو اصلي وخفت يضرني وقلت خلاص ماعاد ابغاه وماخذتهم منه
وفرق بيني وبينها 9 اشهر بالحمل
ومايهمني حملها صراحه
وهل يدل على نوع الجنين
جا بالي انه الزيت نيه الانسان

الاحاسيس والهواجس في النفس مالها دعوة .. وسواء مايهمك حملها فهو اخوك وهذه رؤية من الله بصلاح حالكما ونيل الذرية .

وما ادراك ان يجعل الله من هذين الحملين زوجين .

الحمدلله على عطاياه
والله يجزاك خير ياشيخ ويكتب لك الاجر