الظليم 2 | لتأويل الرؤى

السلام عليكم ورحمة الله وبركاته

حلمت باخت زوجي انها واقفه وانا جالسه وكانت تمد يدها للسلام علي ووجها حزين ثم انتبهت ليدها كانت كفها مقطوعه ثم فزعت وجلستها جنمبي وكنت اواسيها وقالت ان خالها اللي فعل فيها(وفالحقيقه لايوجد لها خال) قلتلهاانتي ملابسك فاضحه عشان كذا تجرأ وشفت زوجي واقف وكانه يتصدد عني وقلت في نفسي انه عارف عن الموضوع ولا علمني بعدين ارسلتلي مقاطع على جوالي للحادثه وكانوا كانهم علم مكتب وجا خالها جمبها وبس هذااللي شفته
بعدين جت بنتي تقولي الخبر وكانت منهاره وقلتلها انه خالها اللي فعل كذا وهي تقول لا قلتلها الا هي ارسلتلي وكن بنتي متعجبه انها ارسلتلي

بعدين شفت نفسي طالعه لحوشي وبعدي بنتي وكانت تبكي وكانوا بنات اخوان زوجي يطلون علي من الباب حق الحوش ويبكون وقلتلهم تعالو وش فيكم ليه تبكون قالوا ام فلان ( يقصدون زوجة اب زوجي المتوفي) جايه تشتكي بعدين توجهت لباب الشارع عشان اتاكد لقيت زوجة الاب مع بناتها فسيارة متهالكه ومعاهم مكرفون ويتكلمون وبينهم زوجي وكان الشكوى عليه وهو يحاول يتفاهم معاهم وبعدين قالهم تعالوا ادخلوا خلونا نتفاهم وشلت هم لان مجلسي ما اكتمل ( وهذا حقيقي ) بعدين قلت بطلعهم فوق

بعدين شفت وحده متوفيه قريب تنزل من سياره وقلتلها انتي مامتي وكانت مبتسمه وكانها طفله وكأنها قالت لا وكان في مطرحة سرير نفرين نامت عليها وتغطت وجمبها رجال ابيض وشعره ودقنه ابيض يناظر لها ويبتسم قلتلها مين هذا قالت ابوي قلتلها ماشاء الله لقيتي ابوك وقلتلها وامك ماشفتيها قالت اسكتي لاتسالين عنها شفتها تخوف بعدين طارت فيهم المرتبه

اخرشي شفت نفسي ادورحول ارض من خلف سور قصير كلها نارمولعه فلحم نفس طريقة الخروف اللي مثبت على خشب وفيه سيخ وفيه قطع لحم على الارض مولع فيها النار وكنت اسمع صوت النار وكنت ادور حول هذي الارض وانا حانيه ظهري كني مشفقه من المنظر لكن ما احس بحرارة النار ابد بس وقمت مفزوعه انتهت الرؤيا


عمري ٤٠
عندي ابناء وبنات
والدي على قيد الحياة
حالتي الصحية جيدة
اجاهد نفسي في ديني
من الرياض
ربة منزل

هذه رؤيا واحدة ام اربع رؤى ؟

رؤيا واحدة ياشيخ رأيت هذه المشاهد متسلسلة

اسف .
موضح في النصائح الا تتعدى الرؤيا اكثر من تسعة اسطر .
اكتبي رؤية غيرها الان هنا بدل لها .

رايت نفسي وكأني في مجلس بيتي وكانه فيه حفل او عرس وكانت موجوده اخت زوجي التي رايتها في الرؤيا السابقة وكنا نتكلم ثم حضنا بعض وكانت موجوده بنت اخت زوجي الكبرى(ليست ابنتها)وكانت تنظر الينابحب بعدين شفت نفسي امشي وكنت طويله وضخمه ولابسه فستان اصفر حرير فاقع فيه كرستالات بيضاء وكنت احس نفسي ملفته وفخمه ( فالحقيقه قد ارتديت فستان شبيه له في زواج ابنة اخت زوجي التي فالرؤيا لكن من قرابة ١٥ سنةً)بعدين كانها اشتغلت اغنيه وقلت هذا للمطرب الفلاني وفكرت ان ارقص وقلت في نفسي لكن فيها موسيقى ( فالواقع لا اسمع الموسيقا )ثم قلت اذا كنت حضرت الزواج وفيه موسيقى لامشكله ان ارقص ولكني فقط مشيت قليلا ثم توجهت لمجلس اخرونظرت لوجهي في مرآه فوقها اضاءة بيضاء وكان وجهي لونه بني غامق ( انابيضاء فالحقيقة )وملاحي مختلفه تميل للافارقه قليلا وكنت اقول ماكان لازم اتشمس في هذا الوقت ثم ذهبت لمراة اخرى وكانت بشرتي افتح بكثير لكن لاتزال سمراء وكنت اقول في نفسي هذه الاضاءة صفراء مثل المجلس اللي فيه الناس اذا هم يشوفوني كذا بشكل اجمل لكن لوكنت على لوني الاول لكنت اجمل وملفته اكثر وكان شعري فيه خصل شقراء لكن ليس مرتب جدا وكنت اقول انه ممكن مع الاضاءة ماينتبهون الناس
انتهى الله يجزاك خير

شيخنا الفاضل الرؤيا ليست طويله لكن التوضيحات جعلتها تتعدى التسع اسطر

اكتبي الرؤيا بدون توضيح وبدون ذكر يتعلق برؤى سابقة.

عندي سوال ياشيخ هل الرؤى الطويله لاتكون رؤيا ؟؟ مع اني اذكرها بالتفصيل وواضحة مثل الرؤيا الاولى ..

اكتبي معلومات والديك وزوجك
هل عندكم احد مريض؟
الرؤى الطويلة رؤى ؛ ولكن أحيان يخالطها حديث النغس.