الظليم 2 | لتأويل الرؤى

حلمت امس انه انا واختي ببقاله نتسوق وكانها مثل مطبخنا كنا لابسين عبايتنا عبايات الراس كان في شخص بالبقاله غير المحاسب كان يراقبنا بعدها جاء سألني قال

هذه طبيعتك ولا تتصنعين قلت له اعوذ بالله ولفيت وجهي وجسمي ع الجهه الثانيه كان يبي عنوان بيتنا بس حنا ماعطييناه اي اهتمام شوي الا حنا في البيت

واهو واهله عندنا تفاجأنا مسرع جاوا كان مجلسنا كبيييير وطويل وفخم وفيه طاوله بالنص طويله بطول المجلس وكانها مثل حقت المؤتمرات كل لونه بيج وبني كان متناسق

حنا كنا جالسين بجهه وهم مقابلين لنا امه وخواته واهو مترأس جلسة الطاوله جايين يخطبوني اسمه مبروك او محسن عمره 29 لاهو سمين ولا نحيف وسط لابس نظارات انا تفاجاجأت شلون يبون كذا بسرعه وكان كل مااحد من اخواني قال شي كان يقول عشاق ومن طريقته شاريني بس امه كانت باقي ماهي مقتنعه كانت لابسه جلابية مناسبات مايله للفستان لونها سماوي وكلها فصوص وكانه خلاص بكره بجيبون الذهب كانت اختي ع يميني وامي ع يساري شمرت امي العبايه من يدي اليمين وكنت لابسه فيها كلها بناجر ذهب قالت بينيها بكره شوي الا كاني شايله بنت رضيع لابسه ابيض ولحافها ابيض ورايحه فيها لام هذا اللي بيتقدم بس كان شكلها زعلان .. انتهت

مااعرف ولا احد باللحلم غير امي واختي وواحد من اخواني بان لي شكله

العمر 23 عام

لا ادرس ولا اعمل

حالتي الدينيه محافظه ع الصلوات والذكر ولله الحمد

السعوديه . عزباء

حالتي قبل الرؤيا .. عاديه

رايتها .. في الصباح تقريبا بعد الفجر بساعه ونص

والله يجزاكم الجنه ويجعل كل ماتقدموه في ميزان حسناتكم