الظليم 2 | لتأويل الرؤى

السلام عليكم  حلمت كأني في بيت ماهو في بيتي  وكانه خارج الدوله في أوربا لان طلعنا شوي فيه امطار قويه ورياح وكان باص موقف جنب بيتنا ودخلنا بيتنا واصعد ع السلم فوق وكانت موجوده خدامتي السابقه اوغنديه وكان فيه بنت صغيره تنادي كاني ناديتها باسم هيا  وانا في قرارة نفسي اعرف انها بنت زوجي ونزلت وجلست والا وحده داخله على اول مره اشوفها تسلم علي وتمسك ع كتفي قالت انتي مين قلت انا ام سعود قالت هلا ام سعود وتمسك كتفي وتضغط وتطالع فيني وقالت ( اوريك فيهم والله لاخذ حقك منهن) ورحت لزوجي لقيته يتروش وطلع وقعد يتعذر مني يقول والله لاعوضك وحبني من جبهتي وطلع فلوس وعطاني ٧٠ ريال وكاني ماحبيت المبلغ وقعد يعذرب في زوجته يقول هذا ازعجتني وسخه الخبز عندي معفن وكان بنتي دخلت من وراي وقعدت واشر لها في ايديني من خلف ظهري ماابي زوجي يشوفني بقول لها اطلعي في نفسي ماابيها تسمع ابوها وش يقول عن زوجته وجت قدامي وقلت روحي وراحت بنتي وكاني يقولي مثل يعاتب ان زوجته وسخه  قلت طيب متى نمشي قال الحين قلت بتروح معنا قال ايه انا بروح معكم بصوت كله يقين وبعدين فيه باص موقف عندنا بس ماادري اذا حنا ركبنا فيه او لا وكانا رحنا للبوليفارد ورلد بس مو مثل اللي عندنا بالرياض هذاك على شاطى بحر وتمشينا فيه وانتهى الحلم


معلومات عندي
متزوجه وام ٣ اولاد وزوجي عنده زوجة اخرى له سنه متزوج حالتي النفسيه سيئه 
غير مستقره نفسياً 
لي اسبوع اكتشفت اني مصابة بالسرطان  

هذه الرؤيا تم تاويلها.