السلام عليكم ورحمة الله
مرسل: السبت سبتمبر 14, 2013 12:43 pm
حلمت انه اليوم ملكتي وصلت للاستراحه حسيت اني تأخرت كنت خايفه ومتوتره مره وصلت دخلت المكان المخصص لي ولقيت كم بنت من زميلاتي منتظريني شلت العبايه وكنت لابسه فستان زيتي مايل لتفاحي جايمن الاكمام مثل طريقة عباية الفراشه اخترب شوي اسشوار شعري زعلت قالت زميلتي آمنه تعالي اسشورك كأن مكياجي خفيف مو باين انه في مكياج استشورت لي وكنت اطالع بوجهي قامت زميلتي سوت لي محدد كحل للعين وطلع شكل عيني حلو وخاصة من الهدب كنت مستغربه ان مافي احد من اهلي موجودين قالوا لي زميلاتي انهم مع الناس ينتظروني كنت قلقانه وخايفه قلت بنفسي مافي شي بوجهي يجذبه طالعت بالمرايه وقلت بنفسي ليش ماني لابسه فستان الفرح بعدها قلت هذه الملكه وفستاني حلو طالعت فيه بالمرايه وقلت بنفسي مايصير البس فستان الفرح بالملكه كنت شايله هم اني مااعجبه حاولت اسوي طريقه بشعري بعدها تعبت ماعرفت اسويه وحطيته ع الجنب نفس شعري بس لونه اسود وناعم كأن فيه زيت وقلت اللهم جملني بعينيه عن كل النساء وجاتني آمنه علشان اروح لهم وصحيت
العمر .. 23 عام
عزبااء .. السعوديه
لا اعمل ولا ادرس
حالتي الدينيه .. جيده ولله الحمد
حالتي قبل الرؤيا .. مهمومه قليلا بموضوع
وقت الرؤيا .. 10 من شهر شوال لهذا العام
باركم الله فيكم ورزقكم من خير الدنيا ونعيم الآخره