الحاله الدينية:مقصرين غفرالله لنا ونحاول المداومه على صلاة الليل
وقت الرؤية:الظهر وقت القيلوله
الجنس:انثى من السعودية
الحالةالاجتماعية:عزباء تخرجت قبل سنه من كلية الشريعة و لم اعمل بعد
رأيت ان كنا في استراحه مع الاقارب وكنت انا واختي في مجلس بين قسم الرجال والحريم كنا نفرش السفر للعشاء،
ثم دخل علينا سالم ولد خال امي وكان يساعدنا بتجهيز السفر، وبعدها فيه واحد دق باب الرجال وراح سالم يفتح يشوف مين ثم جلس فتره عند الباب بعدين رجع دخل عندنا وانا قمت بدخل عند الحريم جاء سالم ناداني واعطاني ورقتين قال هذي الورقه الاولى من عبدالرحمن<ولدخالي+خطيبي سابقاً> والورقه الثانيه من خالي فتحت ورقة خالي كان مكتوب فيها اللي اذكره يعني"ان عبدالرحمن يبغى يخطبك مره ثانيه اذا موافقه ردي الحين عشان اكلم اهلك"
وفتحت طرف ورقة عبدالرحمن كان مكتوب نهايتها "حبيبي انتظرك" ،انا قفلت الورقه بدون ما اقراها كنت مستحيه وسألت سالم عن رأيه بعبدالرحمن بما انه صديقه فجلس يمدحه ويثني عليه مره ومستغرب اني فسخت الخطوبه قبل
وانا كان في بالي وهو يتكلم اني فرحانه ان ربي استجاب دعوتي كانت الدعوه "يارب اذا في قراري بفسخ الخطوبة خطأ يارب رده لي وردني له رداً جميلا" .
آخر تعديل بواسطة Hanan في الأحد مارس 18, 2018 7:14 pm، تم التعديل مرة واحدة.
