رايت اليوم باني بمدرستي الثانويه كنت جالسه ع المنصه اللي بنفس مدرستي اللي بثالث متوسط كان بيدي كتاب وكنت ابقرا منه كانت جنبي وحده مااذكر منها
يدي كانت ترجف لاحظت هذا الرجفه بيديني وانا حسيت بانها لاحظت شوي اللي كاني عند درج فصلي اللي بثالثه ثانوي لقيت جارتنا واسمها وداد لابسه عبايتها وع اساس انها بتتدرس عندنا عطتني كتاب الانجليزي وقالت حضري الدرس بكره او يوم السبت مااذكر قلت لها اي سنه تتدرسين قالت ثانيه قلت لها يا الله انا ثالثه ليش مامسكتي ثانيه وثالثه مدرستي ناديه درستني ثاني وثالث
شوي الا وانا في البيت وكنت قاعده انا واختي بالصاله دق باب الشقه الباب الثاني مو باب الرجال وكان اخوي لابس ثوب وجايب معه اكياس كثييير لي انا واختي اكياس فخمه كلها ملابس وصنادل وجزم الله يكرمكم قعدنا نشوف الاكياس شفت الصنادل بعضها بحبل وبعضها لا شفت جزمتين الله يكرمك ومن النوع اللي افضله انا واختي قلت لها شوفي النوع اللي نحبه لونها اسود وكان فيها كعب مش عالي ولا يطلع صوت جزمتي كان فيها فيونكه من المقدمه وشي ذهبي لبستها وكانت مريحه ارتحت فيها بس كانت شوي كبيره الفرق 1سم بس بعدها قلت والله ابراهيم ماقصر جاب لنا من كل شي .. انتهى
ملاحظه ..
عندي رجفه من زمان بيديني بدات فيني وانا بالمتوسط
الطوابير كانت عندنا بالمتوسط بالسطح وكانت فيه المنصه
والثانويه كان بالحوش
ابراهيم هو ولد عمتي
متزوج .. ولديه اطفال
معلوماتي ..
العمر 23 عام
لاادرس ولا اعمل
حالتي الدينيه .. محافظه ع الصلوات والذكر ولله الحمد
السعوديه .. عزباء
حالتي قبل الرؤيا ... كان شاغلني امر
معلومات اختي .. مخطوبه
محافظه ع الصلوات والذكر ولله الحمد
عمرها 28
اخوي .. 24 عام
طالب
محافظ ع الصلوات ولله الحمد
جزاكم الله خيرا
