رؤيا

[مشاعل]

رايت أني كنت في غرفتي في بيتنا قديم وكان فيه اشياء كثيره مرة وحوسه وكنت معي امي وفيه شغالة كينيه (قد جتنا في بيتنا الحالي وكنت تجي بساعه وهي سمراء وجنسيتها مب كينيه بل اوغانديه) وهي ترتب الغرفة جايه بتسرق مخدتي سوداء الحرير وكنت اشوف المخدتين   حقاتي في سرير واللي تبغى تسرقها ثالثه وكنت مستغربه ما عندي ثالثه من وين جت مخدة ثالثه وكنت احاول اخذ منها وكان ظهري على باب وهي تحاول تاخذها وتطلع فيها وأنا اطاق معها عليها (وكنت افكر في نفسي عادي لو اشتري لها وحده جديده ليه تبغى حقتي وكنت احس بضعف وأنا اتصارع معها بس استمرت ما وقفت) وكنت اشوف المخدة صار لها تشقق شبه بسيطه بس ما انقطعت هي انحاشت وطلعت وأنا سكرت الباب على طول وقفلته ورحت على طول ادور في غرفة إذا فيه شيء سرقته والقاء صحن دائري زجاج اللي احط فيه عطوري وانتبه أن بعض عطوري مطلعه من زجاج و متغير مكانها وشكلها خذت وحد من عطوراتي (علما أن صحن زجاج دائري والعطور كلها في غرفتي الحاليه) وكنت منقهرة منها بعدين اسمع طق باب وامي قالت ايه هذولي شكلهم راعين شغاله يبغون ياخذون باقي فلوسهم كنت منقهرة اللي زياده أنها سارقتنا تبغون تاخذون فلوس زياده، وكنت قيمة شغالة 52000 شيء زي كذا وأن هي سرقت 500 وما كنت ابغى افتح باب   بس فتحت علشان امي وكنت فاتحه خفيف علشان امنع على طول من أن احد يدخل الغرفة والقاء 3 بنات واقفين عند باب درج يناظروني وحده منهم زميلتي في متوسط ريناد القحطاني وثنتين ما عرفتهم ابدا بس اشكالهم اطفال و وحده كنت تمر (تمشي) وهي زميلتي في جامعة اسمها رغد واشوف ريم الجديعي جايه من يمين من غرفة امي وابوي واخواتي (صديقتي في متوسط ونص ثانوي) وكنت احاول اسكر باب وهي تكلمني بعدين يوم جيت خلاص اسكر باب وصار فتحه صغيره مرة وهي قربت منها ولبسه اسود ابتسمت وقالت وش اخبار صديقك أنا انصدمت وردت عليها وش صديقي؟ قالت صديقك (تقصد مس اللي فيني وأنا جتني فترة اطلق على مرضي صديقي ما كنت ادري أنه بسبب مس إلا من قريب) أنا فتحت باب بقوة وحطيت يديني على خصري وكنت لبسه بدله سوداء مخططه بابيض وشعري كان تحت كتفي وسايح (عكس الواقع شعري اقصر وكيرلي وعندي نفس ذي بدله) واقول يعني كنتِ تدرين وضحكت وقالت ايه كنت ملاحظة تصرفاتك غريبه فيك زي مثلا توك جايه من سفر واستقبلك من مطار و تقولين ما نمت زين ومنفسه مرة(ماقد صار شيء زي كذا في الواقع بس فيه حلم شفته صار مشابه له) وقالت يوم كنتِ تجلسين معنا مرة تحبينا مرة تكرهينا وسالتها من متى ملاحظة قالت من 17 سنة (علاقتنا اقل بكثير من 17 سنة) وكان في كلامها أنها ندمت أنها قطعت العلاقة من 17 سنة بس تجاهلتها وكنت مركزة وشلون لاحظت المس اللي فيني وأنا مادريت أن فيني مس إلا من قريب (وكان شكلها في الحلم شكلها يوم قابلتها مرة صدفه في جامعة مب في ثانوي) انتهى.


عزباء، فيني امراض روحيه سببت امراض جسديه، مسلمه حنيفه، مداومه على صلاة، سعوديه، عمري 26، متاخره في تخرج من جامعة، ما اذكر حالتي قبل نوم، ولا تاريخ رؤيا، على رقيه
 
 
 

[الظليم-2]

سبق وتم التنبيه ان الرؤى الطويلة لاتؤل استبدلي رؤيتك برؤية قصيرة لاتزيد عن ٩اسطر