حلمت إني واقفه بحوش بيتنا القديم وكان ولي العهد محمد بن سلمان راكب على خيل وخلفه نساء لابسات لبس الجواري قديماً وأيضاً خلفه رجال وذهبت له وقلت له ممكن اكلمك بيني وبينك مابي احد يسمع قال إن شاءالله ونزل من على الخيل وجاني وكلمته باذنه بحيث محد يسمع وقلت له ممكن تعطيني خمس مئة ألف أو مليون قلت اذا موافق حرك راسك بعلامة انك موافق بحيث محد يدري ثم راح وركب الخيل وناظرته وحرك راسه بإنه موافق واشرت له بيدي قلت كيف قال بإشاره من يده برسلك بالجوال وبخبرك اني ارسلت لك الفلوس وقال مع السلامه وراح وراحوا معه النساء والرجال وجتني وحده منهم قالت انتي دائماً مرفوع راسك قلت لاني على طبيعتني اسوي كل شيء على طبيعتي قالت تعجبيني ماشاءالله ثم راحت وقلت لها بصوت عالي كوني على طبيعتك وبتكونين مرفوعة الراس ثم اشرت بيدها علامة مع السلامه وانتهى .
وقت الرؤيا ؛ قبل ثلاث أسابيع
ملاحظة ( الرؤيا رأيتها منتصف الليل بعد دعاء التعار من الليل )
الحالة الدينية ؛ جيده نوعاً ما
المداومه على الصلاة ؛ مداومه نوعاً ما وأحيانًا تفوتني أسأل الله المغفره.
الجنس ؛ أنثى
البلاد ؛ السعودية
العمر ؛ ٢٦
الحالة الإجتماعية ؛ غير متزوجه لا اعمل ولا ادرس
الحالة النفسية قبل النوم ؛ ممتازه ولله الحمد
معلومات الاشخاص فالرؤيا ؛
ولي العهد عمره ٣٢ متزوج وليس له بي علاقه لا من قريب ولا من بعيد
أما النساء والرجال لا أعرفهم واول مره اشوفهم فالمنام
